Pagiging bukas ng Simbahan sa mga batang lansangan.
Ito ang panawagan ni Ma. Georgia Cogtas, isang dating street children sa bawat parokya sa buong mundo matapos ang kaniyang pananalita sa isinasagawang 51st International Eucharistic Congress sa Cebu City na inaasahang magtatapos sa Linggo, ika-31 ng Enero.
Si Cogtas, dapat na maging bukas na tahanan ang simbahan para sa mga batang lansangan kung saan sila maaring makaligo, makakain at makapag – aral.
“There are many street children living outside our parish churches. Can we turn our parishes into child friendly parishes with walk – in facilities where they could possibly take a bath, eat and study? Our churches are closest place that they could see God. But they can also be the closest place where our children can see their dreams,” bahagi ng testimonya ni Cogtas na tubong Cebu City.
Nakatulong rin aniya sa paghilom ng kanyang karanasan sa lansangan ang mga bata na kanyang tinulungan at inilapit muli sa simbahan.
“It is only when the bread is broken that it can be shared and offered to others. God let us experience brokenness so that in our brokenness we can compassionately be in union with our suffering brothers and sisters, so to serve a greater purpose. After all, I now realized that for the graced of God it is not only material things that can be replaced and repaired. For all that is broken can be restored, all that is lost can be found and replaced by something better and all that is destroyed can be fixed. I hope that you could also see that there is joy in every, brokenness,” pahayag ni Cogtas.
Sa kasalukuyan aniya nasa 23 government organization, non – government organization at academe ang tumutulong sa pagsusulong ng kanilang adbokasiya sa mga street children sa Cebu.
Sa pinakahuling datos noong 2012 ng National Statistics Coordination Board (NSCB) at ng Philippines Against Child Trafficking (PACT), umabot na sa 1.5 million ang mga batang lansangan sa Pilipinas at ang bilang na ito ay patuloy na tumataas.
Gaganapin naman ngayong araw ang First Communion ng nasa 400 batang kalye bilang bahagi ng pagdiriwang ng 51st IEC sa Cebu na pangungunahan naman ni Cebu Archbishop Emeritus Ricardo Cardinal Vidal na unang tumanggap ng komunyon noong 33rd IEC noong 1937 sa Manila.