Цитат:
Топ 50 најбогати Македонци
Според истражувањата од разно разни финансиси институции, во Македонија има околу 100 милионери. Заедно тие вредат околу 4 милијарди долари или во просек секој од нив располага со над 40 милиони долари. Мактел се обиде да ја состави листата на 50 најбогати Македонци. Под Македонци мислиме на македонски државјани. Редоследот по кој ги наведуваме е случаен, не е по рангот на огатство кое го поседуваат затоа што и точно неможе да се одреди кој колку има. Уживајте и немојте да се јадосувате, туку трудете се еден ден и вие да стекнете волку пари, секако не по секоја цена важно е да се обидете, а доста е ако успеете да заработите за стан, автомобил и добра живеачка, не заборавајте успехот е 50% и чиста среќа.
Минчо Јорданов – најбогатиот човек во Македонија. Тој својата кариера ја започнал во 1992-ра година каде што бил ангажиран во фирмата „Дуферко“ С.А. од Лугано, компанија од челичниот сектор. Од 1994 година, тој е член на Бордот на директор и одговорен за земјите на поранешниот Советски Сојуз. Веќе во 1997-ма година станува претседател на Управниот одбор на „Макстил“ АД Скопје и член на Бордот на „Дуферко“. Тој поседува 23.22 отсто акции во градежната компанија “Бетон“. Јорданов е сопственик на 21,3 од акциите и во РЖ „Интер трансшпед“, „Макстил“, пак, поседува 21,37 отсто од акциите на РЖ „Економика“, додека „Репро уан лимитед“ поседува 80,96 во РЖ КПОР. Неговото семејство е сопственик на клиниката „Ремедика“ и на дневниот весник „Нова Македонија“. Јорданов неодамна ја отвори и винарниицата „Стоби“ во која инвестираше 20 милиони евра.
Штерјо Наков – е вториот најбогат бизнисмен во Македонија. Тој поседува шпедитерска компанија, брокерска куќа, винарска визба и повеќе хотели. Во шпедицијата „Фершпед“ доминантни акционери се синовите, Драган Наков кој има 11,83 отсто од обичните акции, а неговиот брат Сашо Наков има 11,04 отсто од обичните акции на „Фершпед“. Моменталната вредност на акциите на Наков се проценува на 3.5 милиони евра. Компанијата е доминантен сопственик и на хотелите „Александар палас“, „Фершпед Маврово“ и на охридските „Метропол“ и „Белви“. На лично име, или преку капитално учество на „Фершпед“ и фирмите во кои компанијата е мнозински сопственик, Штерјо Наков поседува капитал уште во најмалку десетина компании.
Кочо Анѓушев - еден од основачите на “Брако“ од Велес. Во 2003 година го основа друштвото за вработување на инвалидни лица за производство, трговија и услуги „Фероинвест“ ДОО експорт-импорт – Велес. Тоа е дел од конзорциумот што доби концесија за изградба на 21 мала хидроелектрана во Македонија. Во истата година „Фероинвест“ станува сопственик на 50 отсто од капиталот на компанијата „Брако“. Во 2003 година Анѓушев го основа претставништвото на швајцарската групација ЕФТ, а подоцна и фирмата „ЕФТ Македонија“, добива лиценца за трговија со електрична енергија. Како резултат на добиениот грант од Холандија од 1,5 милиони евра, во 2007 година е основана фирмата „Брако веигхпак“, чиј управител е Анѓушев.
Живко Мукаетов – главен менаџер на “Алкалоид“ и поседува околу 6.58 отсто од вкупно акции во компанијата. Сумата на вкупно акции кои ги има Мукаетов изнесува 6.7 милиони евра. Над 5 отсто од акциите во компанијата поседува и Билјана Јованова. Нејзините акции на берзата се проценети на околку 5 милиони евра. Живко Мукаетов ги наследи акциите на неговиот татко, покојниот Трајче Мукаетов кој беше долги години генерален директор на Алкалоид. Алкалоид е најбогатио македонски бренд еден од ретко успешните надвор од Македонија, особено силен во регионот и на источните пазари.
Шефки Идризи – еден од најбогатите тетовци. Во 1992 година Шефки Идризи ја отвори фирмата „Ренова“ во село Џепчиште, Тетово, како трговско-услужна фирма. Со своите производи направи револуција на домашниот пазар, а се’ поголемата побарувачка придонесе да никне и првиот производствен капацитет на готовите малтери. Во 1999 година „Ренова“ почнува да ја гради втората фабрика во „Гуреза–Косово“ со двапати поголем капацитет. Фирмата на Идризи е генерален претставник на боите на „Карбон“ од Загреб.
Сашо Давитковски - првиот човек на “Скопски пазар“. Семејството Давитковски поседува најголем број акции во СП. На свое име Тодорка Давитковска има 13,12 отсто од вкупниот број обични акции, а синовите Сашо и Тошо имаат по 8,68 отсто, односно 6,56 проценти, според последните податоци на ЦДХВ. Заедно Давитковски поседуваат 28,36 отсто од акциите на компанијата, вредни, според актуелната просечна цена на Берзата, речиси 2 милиона евра.
Компанијата СП под свое ги има најголемите пазари во Скопје, а го имаат и ланецот маркети СП, Макси Д маркетите, и продавницата за козметика Јуник која се наоѓа во центарот на градот спроти порта Македонија.
Душко Туџаров - дел од групацијата “Реплек“ АД Скопје. Според податоците од Централниот депозитар, во „Реплек“ најголем акционер е компанијата „Хенделс“ со 20,24 отсто, но веднаш потоа следуваат Славица Туџарова-Трајковска со 11,57 отсто од акциите и Иван Туџаров со 11,32 отсто. Акциите на Туџарови вредат 4 милиони евра. Реплек произведува лекови а го поседува и Хубо Маркет и ресторанот Ден и Ноќ.
Кристина Тодоровиќ – генерален директор на синџирите “Тинекс“ и дрогериите “Космо“. Се смета дека вредноста на акциите на “Тинекс“ вредат околу 80 милиони евра. Ланецот маркети Тинекс е првиот ланец на маркети, со многу раширена мрежа и добра позиционираност на пазарот. Нејзиниот татко неколку години беше во политиката но по поразот во трката за градоначалник на Центар се очекува да се врати во компанијата која ја основаше.
Благој Механџиски - основач на “Зегин“, прва приватна комапнија за продажба и производство на лекови во Македонија, регистрирана во 1989-та година. Се’ до 2006-та година компанијата опстојува со 100 отсто учество од основачот, додека во 2006 година во компанијата влегува странски капитал со 50 отсто учество на странските партнери. Странскиот партнер е „Мајлстон“ од Исланд. Од 2007 година е сопственик на винарницата „Лозар“ од Градско. Зегин е најдобро позициониран ланец на аптеки на пазарот со престижни локации во градот и државата. Одличната локација, традицијата, препознатливиот бренд, добрата услуга и добриот дизајн на ентериерот се причина за одличната профитабилност на ланецот аптеки Зегин. Богатството на Благој Механџиски сигурно е над 10 милиони евра стекнато со над 20 години менаџирање со аптеките Зегин.
Свето Јаневски - Сопственик на винаријата Тиквеш и екс мнозински акционер во Пивара Скопје и екс парцијален сопственик на ланецот ресторани Мекдоналдс во Македонија и Бугарија. Инвестицискиот фонд МИ6 во кој тој е еден од петте члена го продаде контролниот удел во Пивара Скопје на Хајнекен за околу 80 милиони евра. Свето сега поседува хотели во Црна Гора и ја купи најголемата винарница на балканот, Тиквеш, во која инвестираше милиони евра. Винарницата изминатите години не правеше големи профити дури и работеше со загуба поради трансформацијата од социјаистичка органнизација во современа винарница која ќе работи според пазарни механизми и која ќе се бори со квалитетни флаширани вина наместо извоз на вино во цистерни како што беше со децении. Бизнисот со рестораните му пропадна поради недоразнирање со сопствениците на франшизата Мекдонладс. Сопругата на Свето е застапник на Сваровски за Македонија и го поседува дуќанот на улица Македонија, додека Свето има значителен пакет акции во Автомакедонија кои се увозник на Опел за Македонија. Свето поседува и неколку хотели во Охрид. Богатството на Свето се проценува над 20 милиони евра.
Коста Јанковски - Бизнисмен кој неговите бизниси дел ги префрли во Црна Гора. Важи за близок до лидерите на сите партии и од опозиција и позиција. Увозник на алкохолни и други пијалоци преку неколку компании. Го има ексклузивитетот за низа брендови во регионот. Се смета дека само во Македонија годишните профити му изнесуваат над 5 милони еур. Познат е во јавноста по десетината автомобили Ферари кои се голема атракција особено кога ги преселува лете или зиме од и во Македонија, истот го прави со шлепер на кој сите се натоварени и изгледаат маестрално. Неговото богатство се проценува на над 10 милиона евра.
Симон Наумовски -Доминантен сопственик на Витаминка Прилеп, заедно со неговата жена, синот и ќерката. Тие наследија голем македонски бренд од комунизмот-Витаминка, но истиот успеаја да го развијат и одржат успешно на пазарот на кој има огромна конкуренција од хрватска Подравкаи други странски брендови. Сопственици се уште на неколку помали компании, од производство на гас и штампарска дејност и хотел.
Љубисав Иванов-Ѕинго - Долгогодишниот генеален директор на РИК Силекс е еден од најбогатите Македонци. Освен рудниците Силекс, фабриките за сунѓер, уље и патенти, тој ја поседува и супер профитабилната телевизија Сител, успешните брендови на води Добра Вода и Ладна и соковите Плеј. После продажбата на СИЛЕКС банка влезе во доста други бизниси. Точниот број на компании во негова сопственост не е познат па неможе точно да се определи неговото богатство. Поседува над 24 компании, хотели и фабрики. Се занимаваат и со градба и услуги. Она што е познато се и стотиците хектари на земја кои ги поседува околу Кратово и во земјата и деловниот простор на територија на Кратово и Скопје меѓу кои најпознати се просториите под јужната трибина на градскиот стадион Филип Втори. Има удел и во осигурителната компанија АД Осигурителна Полиса. Неговото богатство се проценува на над 20 милиони евра. Постојат и легенди дека тој е малцински акционер и во автомобилскиот гигант Фолксфаген. Во Кратово го поседува водоводот, базенот и стадионот.
Борис Стојменов - Сопственик на телевизиите Канал 5 и Канал 5 +, хотелот ТЦЦ Плаза и деловниот простор во таа зграда, инвестираше во зградата Македонија во Тафталиџе, ја поседува штедилницата БС, и фабриката за печатење пари и други печатени материјали од Прилеп. Тој беше министер за финансии во владата на Љубчо Георгиевски и своето богатство го има градено и претходно со бизнисот на консалтинг. Отсекогаш важел за богат човек но неговото богатство се зголеми последните десетина години. Сигурно тежи неколку милиони евра. Бизнисите сега ги води неговиот син Емил Стојменов.
Андреа Јосифовски - Долгогодишен генерален директор на АД Макпетрол, најголемиот трговец со нафтени деривати, масла, гуми, и увозник на автомобили и мотори Хонда и преставник за Македонија за ИТ гигантот Дел. Во рамките на бензиските пумпи работат и маркетите Меџик. Андреја е сопственик на фимрата Оилко која е фирма ќерка на Макпетрол и презема голем дел од деловното работење на Макпетрол особено транспортот на нафтените деривати до бензиските пумпи. Во рамките на Макпетрол работи и телевизија Телма. Богатството на Андреја Јосифовски се проценува на десетици милиони евра.
Ристо Гуштеров - Еден од прочуената плејада бизнисмени кои произлегоа од Техно Метал Вардар, кои својот занает го печеа по Источна Европа, господинот Гуштеров своето богатство го стекнал со трговија со метали и потоа своето богатсво го инвестирал во САД, поточно во Флорида, претежно во недвижнини и во ресторани и хотели. Во Македонија не успеа да направи некој бизнис освен што донираше голема сума на пари во голем црковен храм во родниот Радовиш. Тежи над десетина милиони евра.
Ајдован Адемовски - Сопственикот на хотелот Стоун Бриџ, бутиците Котон и Кашарел, градителот на хотелот Хилтон и сопственикот на новиот трговски центар Капитол Мол е еден од најуспешните и најбогатите наши сограѓани и сигурно тежи десетици милиони евра.
Илија Гечев - Ја поседува фабриката за цевки ИГМ-Трејд. ИГМ-трејд беше основана како компанија во трговијата со црни и обоени метали. Денес е со книговодствена вредност од десетици милиони евра, и го прави најголемиот обрт на југот на земјата. Поседуваат големи фабрики за црна и обоена металургија, складови и некретнини низ цела Македонија. Сакаше да гради железара во Неготино во која сакаше да топи стар метал од целиот свет но процесот го стопираа локалните еколошки друштва и целата јавност која се обедини против оваа идеја.
Благоја Самакоски - Сопственик на МИКРОСАМ од Прилеп, како и на низа фирми во земјата и странство. Сите компании се на Благоја Самаковски неговата сопруга и синовите Самоул и Веле Самак, актелниот вице-премиер за странски инвестиции. Поседуваат некретнини во странство и компании од висока технологија . Во овој момент основаат академија за високи технологии. Поседуваат и компанија во Индија и Русија. Најавија и инвестиции во трети земји. Важи за еден од најбогатите луѓе во Југозападниот дел на Македонија.
Сашко Самарџиовски - Ја поседуваат Прилепската Пивара заедно со неговата фамилија и имаат многу брендови со ексклузивитети и за Македонија како увозници на Туборг и Пригат како и Пепси и со крупните профити станаа една од најбогатите фамилии во Македонија. Поседуваат директно или на име на компанијата и низа недвижности, како станови во Скопје и во други делови во државата. Поседуваат и неколку други компании. Сега компанијата ја води Сашко Самарџиоски(Фото), а во техничкиот/производниот дел неговата сестра Панде Самарџиоска.
Орце Камчев - Неговото богатство отпочна во времето на приватизацијата на ланецот продавници Македонија Спорт од неговиот татко. Се занимаваше долго со лон и извоз на текстил а долго време ја имаше и гинеколошката болница Систина која ја основаа со Трифун Костовски но подоцна по разводот со Олга Костовска, Орце го презема бизнисот и контролата над профитабилната и ценета Систина. Од 2006 година наваму стануваат сопственици на многу компании во Македонија. Косопственик во болницата Аџибадем Систина, сопственик на Стопанска Банка Битола, ЗИК Пелагонија Битола, косопственик во Лозар-Пелистерка, Бетон Штип, МПМ Македонија преку која ги поседува весниците Дневник, Утрински Весник, Вест, Теа Модерна, ГТА, фармата Еуроленд екс Скопска Млекара, ресторанот Сушико и многу други компании. Преку ЗИК Пелагонија се здоби со управување на 10.000 хектари исклучиво плодна почва во Пелагонија. Богатството сега му се проценува на над 20 милиони евра.
Златко Пановски - Еден од најбогатите наши сограѓани е сопственикот на веледрогеријата Пановски која беше поврзана со многу скандали од времето на владите на СДСМ затоа што токму преку таа веледрогерија се набавуваше материјал за клинички центар и болниците низ државата во износи од десетици милиони евра.
Фијат Цановски - Сопственик на успешниот и профитабилен универзитет ФОН, со бизниси и во градежништвото, покрај тоа поседува и разен деловен простор во родната Струга и во Скопје, земјиште на неговата фирма Фине и ексклузивен возен парк кој се состои од марките Бентли, Мерцедеси, Масерати итн. Претрпе огромни финансиски загуби со минирањето на објектот Космос и неговото богатсво со тоа се преполови но сеуште тежи милиони евра.
Страшо Милковски - Сопственик е на околу 15% на најголемата македонска градежна компанија „Гранит“ која гради голем дел од Скопје 2014-та но редовно добива и тендери во странство тешки стотици милиони евра. Има повеќе компании со разна намена, недвижности во голем број. Преку Гранит поседува и компании во туризмот и хотелиерството.
Сиљан Мицевски - Екс градоначалникот на Битола ја приватизираше градежната компанија Пелистер која редовно добива тендери во РЕК Битола тешки и над 50 милиони евра. Тој и неговата ќерка имаат низа компании на свое име, а во многу компании се и акционери. Поседува голема градежна компанија која гради станови во Битолскиот регион, а фирмите во Скопје на неговата ќерка се во сосема други области. Денес е еден од најмоќните бизнисмени во Југозападниот дел и најбогат во тој регион во бизнисот со ископ и градежништво. Поседува десетици некретнини во Битола, Охрид, Скопје и цела Македонија. Го поседува и ланецот аптеки Еуро -Фарм. Тежи над десетина милиони евра.
Срѓан Керим - Спрема достапните податоци во Македонија, медиумите и информациите , бившиот дипломат на Македонија во ООН преку неколку компании е крупен акционер во низа медиумски компании. Многу богат со некретнини , станови во неколку Европски градови и Њујорк. Неговото богатство се проценува на неколку милиони евра. Релациите со Бодо Комбах и МПМ компанијата до неговите посредништва на балканот го направиле и добар комерцијалист. Само неговиот возен парк и на неговата фамилија е вреден стотици илјади евра. Повеќе за неговото богатство медиумите дознаа од скандалот со шишето со 750.000 евра во рацете на неговиот шофер фатен на унгарска граница за кое не беше покрената кривична постапка од државата. Сега е актуелен со настојувањето да стане претседател на државата.
Сашо Мијалков - Првиот човек на ДБК и прв братучед на Никола Груевски е мистериозен во неговите бизниси и богатството кое го поседува. Се поврзува со фирми во Чешка, деловни простори, се шпекулира во јавноста дека стои позади ИН Такси во Скопје, СГС - агенцијата за оебзбедување, ресторанот Арабеска. Според анкетниот лист кој го има доставено до Антикорупциска, неговото богатство тежи околу 2,7 милиони евра. Но, според неформалните информации кои кружат во јавноста неговото реално богатство е далеку над оваа вредност.
Трифун Костовски - Екс градоначалникот на Скопје и голем донатор со неколку милиони евра донирани во спортот и во цркви, има бинзисите кои му се простираат низ цела Европа, а му се поврзуваат со трговија со метали, банкарство и осигурителни компании. Познат е како сопственик на Кометал Трејд, банките Поштенска и Еуростандард, Еуро Линк осигурување, издавачката куќа Култура, дискотеката Б2. Ја продаде фармата Еуроленд на екс зетот Орце Камчев. Му пропадна инвестицијата во поранешната кафеана Хермес која не му дадоа да ја доизгради па градбата стои како карабина во парк и скапува. Моментално ја префрла машинеријата од велешка Порцеланка во Азербејџан. Претрпе големи загуби во измамата Фиком, каде голем број на хипотеки по издадени кредити му беа поништени. Се откажа од менаџирањето со ФК Работнички, ФК Вардар и ракометниот клуб Ѓорче Петров по донирани милиони евра во овие клубови. Сеуште тежи неколку милиони евра. Банката ја води синот Коста а осигурителната компанија ја води ќерка му Олга. Трифун времето го минува со својата невладина СГИ во која врши политички анализи и прави конференции и дебати.
Ванчо Чифлиганец - Сопственик и фронтмен на компанијата Адора Инженеринг, со која направи виситински бум во градежниот бизнис во Македонија. Последната година ја заврши со профит од 10 милиона евра. Поседува некоколу десетици милиони евра во станови во неколку објекти кои во моментов ги гради ширум целата држава. Првите пари ги заработи како екс генерален директор на рударскиот гигант од Радовиш, Бучим. Професор беше и на рударскиот факултет.
Јован Дабевски - Сопственикот на млекарата „Здравје Радово“. Оваа млекара се прошири и во бизнисот со сокови. Моментално е едн аод најголемите млекари и производители на сирење, млеко и сокови во државата. Дабевски тежи неколку милиони евра.
Мите Николов - Бриљант Газда на фабриката за масло за јадење „Брилијант“ во Штип, сопственик на бензиски пумпи, царински терминал и на складиштето за нафта на Лукоил во Штип. Тежи десетина милиони евра.
Трајче Леов - Сопственикот на фабриката за бољери "Леов компани" од Велес, која беше гигант во комунизмот и се занимава со производство на бела техника. Но неговите бизнис се поврзуваат и со градежништвото. Првиот сопственик на луксузен автомобил Бентли.
Ниче Димовки - Сопственик на „Македон бетон“, фирмата која прави дел од бетонот за проектот Скопје 2014 и за другите објекти кои се градат на територијата на Скопје. Тој е шура на градоначалникот на Скопје, Коце Трајановски.
Гоце Камчев - Сопственик на „Кам Маркети“ најголемиот и најпрофитабилен ланец на маркети во државава. Тој е чичко на Орце Камчев, брат на неговиот починат татко, Илија Камчев. Ланецот на Кам Маркети има над 60 маркети во државата, кој е првиот ланец на маркети кои се карактеристични по ниските цени и скромните рафтови и малиот избор на производи но квалитетни и евтини. Маркетите КАМ се интересни по тоа што може да се најде се што ти треба многу бргу, без оние финти на големите ланци со непрегледните километарски рафтови со милион производи кои те тераат да купиш работи кои реално не ти требаат. Голем дел од народот кој има ограничен буџет и кој штеди купува во КАМ маркет кој сепак успева да прави солидни профити. Гоце Камчев поседува и многу т.н интерни марки, тоа е производи со бренд КАМ со што дополнително ја зглемува профитабилноста на неговата компанија која ја води со својата ќерка. Гоце Камчев тежи сигурно над 20 милиони евра.
Глигор Бишев - Човекот кој 12 и пол години беше прв човек на Стопанска Банка и месечно земаше плата над 20 илјади евра, кој летово премина во Шпаркасе Банка сигурно за уште поголема плата. Претходно беше заменик гувернер на Народна Банка. Господинот Бишев е единствен на листата кој своите милиони ги има заработено од плата наместо од акционерски удел или целосно сопствеништво во фирмата во која работи.
Доне Таневски - најголем поединечен акционер во „Македонија турист“, во чија сосптвеност се и хотелите „Холидеј ИН“ и Бест Вестерн. Профитите на Македонија Турист се над 3 милиона евра годишно изминативе години. Со тоа и личното богатство на Доне сигурно е во неколку милиони.
Браќата Каленикови, - Зоран и Златко, - Сопственици на „Кадис“, увозникот на автомобилите „Сеат“ и сопственици на „Рено аутомотив груп“, увозник на „Рено“. Сопственици се и на ресторанот Форца Мобимак. Со долгите години на менаџирање на овие компании се имаат стекнато со неколку милиони евра богатство.
Зоран Азманов - Контроверзниот бизнисмен, сопственик на градежната компанија НАСТЕЛ која една деценија гради објекти низ Скопје и државата несомнено е еден од побогатите наши сограѓани. Цело време го следат скандали и афери но тој тврди дека тоа конкуренцијата цело време дига галама за него а тој уредно и легално си работи. Сигурно тежи неколку милиони евра.
Игор Лештар - Игор е еден од ретките милионери кој своето богатство не го стекнал со приватизација на некој комунистички гигант или пак со тендери со владата ниту пак парите ги заработил со градежништво, фармација, нафта или медиуми. Тој е од поновата генерација бизнисмени кој направи империја во ИТ индустријата со софтверскиот џин Сивус кој вработува стотици програмери во државава и извезува софтвер за целиот свет вреден милиони евра.
Роби Телекабел - или Роберт Димитров, сопственикот на кабелскиот оператор Телекабел и телевизијата 24 Вести. Со менаџирањето на кабелскиот оператор изминативе над 15 години, Роберт натрупа милиони евра богатство кое сега го троши по Флорида додека фирмите му ги водат други луѓе.
Бојо Андрески - Контроверзниот бизнисмен сопственик на Европскиот Универзитет, весникот Вечер, и стоматолошката ординација со негово име, Бојо е сепак еден од милионерите во државава. Поседува атрактивни локации во градот кои самие вредат милиони. Тој сега ја продава телевизијата АБ Канал во која инвестира неколку милиони евра, се шпекулира дека слабо му оди со универзитетот, но сепак Бојо сеуште важи за богат човек.
Ристо Ташев - Еден од најбогатите луѓе во државава е и сопственикот на Жито Вардар од Велес, најголемата компанија за производство на храна во државава која во моментов поминува низ тежок период со неколку години работа со загуба, но сепак фамилијата Ташеви поседува милиони евра во недвижнини, фабрики, фарми, земја, стока итн итн кои сигурно вредат неколку милиони евра.
Живко Радевски - Долгогодишниот директор на гигантот Млекара Битола, откако ги продаде своите акции во млекарата на српски Имлек за неколку милиои евра, реши да се пензионира и да ужива во староста. Србите потоа решија да увезуваат српско млеко во Македонија и со тоа нанесоа голема штета на битолските млекари, ама тоа се пазарни механизми и нема што тука да се лутат млекарите. Додека можеше Живко се бореше но реи да дигне раце и да си ги искешира акциите и тоа дебело. Сега важи за еден од најбгатите Македонци.
Жан Митрев - Хирургот Жан Митрев е пионерот на кардиохирургијата во Македонија и овие десетина години успешно работи и скапо си ја продва својата стручност со оглед на тоа што долги гоидни немаше конкуренција. Сега тука е Салис Таџер во Систина и секако приходите се опаднати. Доктор Митрев долги години имаше субвенции од државата, а опремата вредна милиони евра му е подарок од министерството за одбрана од времето кога министер за одбрана во владата на Герогиевски беше екс премиерот Кљусев. Но од друга страна државата заштеди милиони евра со тоа што плаќаше поевтини операции дома наместо пациентите да одат во странство. Неодамна доктор Митрев најави амбициозен план за изградба на огромна ноба болница со што најави дека ќе се дислоцира од сегашната локација во Воена Болница. Во секој случај повеќе од сигурно е дека доктор Митрев тежи повеќе милиони евра на банковна сметка.
Стојан Клопчевски - Еден од најбогатите Македонци несомнено е и екс директорот на Вардар Осигурување, Стојан Клопчевски. Тој во пред неколку години го продаде контролниот пакет, поточно 75% од акциите на триглав Осигурување за фантастични 30 милиони евра. Голем дел од оваа сума му припадна нему како најголем акционер. Не се знае дали сега господинот клопчевски се занимава со некој бизнис, познато е дека неговата ќерка екс мисицата Драгана Клопчвеска го купи Хард Рок за пола милион евра и од него направи салон за манифестации и изложби.
Цветан Панделески и Тане Николоски - Газдите на Пелистерка долги години важат за едни од подобрите и побогати бизнисмени. Пелистерка е силен бренд а тие се проширија со безалкохолни газирани сокови а влегоа и во партнерство со Орце Камчев и во други бизниси. Подолго време се парцијални сопстеници и од ултра популарниот ресторан Клуб Тренд. тежат сигурно неколку милиони евра.
Дарко Панчев - Дарко е еден од неколкуте спортисти кои вистински се збогатија со својата спортска кариера. Играјќи за Вардар, потоа за Црвена Ѕвезда и на крај фантастичниот трансфер во Интер, сигурно дебело го наполнија портмонето на Дарко кој потоа инвестираше дел од парите во неколку кафулиња и во грандиозна куќа на Водно. Исто така неофицијално Дарко поседува и стан во Милано.
Горан Пандев - Милионските суми кои ги добива секоја година изминативе десетина години играјќи за големите клубови Лацио, Интер и Наполи сигурно направија од Пандев мултимилионер. Тој дел од парите вложува во Струмица, во ресторани, во хотели и во фудбалски школи. Тој според формата ќе печали големи пари уште миниум 5 години. Горан е пример дека доколку се посветиш на нешто максимално и доколку вложиш труд тоа ќе се исплати.
Џемаљ Даути - Соственикот на Даути Комерц, компанијата која произведува сувомеснати производи но е преставник за Македонија и на многу странски брендови е еден од најбогатите наши сограѓани. Сигурно тежи неколку милиони евра.
Нухи Алиу - Нухи е газдата на Еуро Актива, компанијата која амбициозно се зафати со грандиозниот проект Гранд Престиж, комплексот стамбени згради на просторот на порнаешната фабрика Алумина во Козле за кој земаа кредит од Сропанска Банка од вртоглави 70 милиони евра! Првите станови се веќе готови и се спремни за вселување. Компанијата инаку се бави со градежништво и трговија со градежни материјали.
Мите Јовановски - познат како Мите Макоил е газда на бензиските пумпи Макоил но и на хотели, ресторани и сервиси за технички преглед и сервисирање на возила. Сигурно тежи неколку милиони евра.
Ратко Димитровски - Градоначалникот на Кочани е еден од најбогатите Македонци. Сопственик е на џиновската печатница Европа 92 која беше опремена со милионска помош од Сорос фондација во 90-тите за да биде конкуренција на државната печатница на НИП Нова Македонија. Сега со вредност од неколку милиони евра, таму се печатат весници, постери, списанија, книги, тетратки итн итн.
http://www.maktel.mk/makedonija-2/it...gati-makedonci