(Martes, Ika-25 sa Pebrero 2014)
ILIGAN CITY, PHILIPPINES – Gipangunahan karon sa dakbayan sa Iligan pinaagi sa Iligan City Gender and Development Office 
ang pagsaulog sa International Women’s Day (IUWD) sa Marso nga maoy Filipino Women’s Month 2014 sumala sa mandatos sa Civil Service Commission. Ang pagasubayon nga tema sa kasaulogan mao ang national theme: Juana, ang Lakas mo ay Lakas Natin sa Pagbangon at Pagsulong ug ang international theme: Women Inspiring Change.
Karong Marso 8 adunay parada sugod sa ICNHS ground ug may cooking contest nga gitawag Otanon sa Lawas Makalig-on sa City Plaza. Karong Marso 15 ug 22 aduna sab audition sa “Talentadong kababayen-an sa Iligan” sa City hall Lobby. Ang tanan gi-imbetar sa gikatahong programa. (Daryl Gay P. Ocab)
IKADUHA NGA CLEAN UP DRIVE GIPAHIGAYON SA ANTI LETTERING, CLEAN AND GREEN
Gipahigayon niadtong adlaw nga Sabado Febrero 22, 2014 sa buhatan sa Anti Lettering ning dakbayan sa Iligan ang ikaduha nga Clean Up Drive didto sa Brgy. Poblacion sa dapit nga nahimutangan sa Aroma Café ug pipila ka mga lugar sa Ilaya sa maong barangay.
Ang nanguna sa clean up drive mao ang mga pangulo nga sila si Sean Actub sa Anti Lettering ug si Ramil Torres sa Clean and Green nga nagpahibalo sa mga katawhan sa kampanya ni Mayor Celso G. Regencia nga usa sa iyang kawsa ang mahinlo nga dakbayan sa Iligan.(Philipp John Burlado)
SPORTS FEST SA CITY SPORTS OFFICE IPAHIGAYON KARON ABRIL
Ipahigayon ang usa ka sports fest karong Abril 2014 ang City Sports Office (CSO) human sa mahal na adlaw o Holy Week. Ang kalihokan langkoban sa mga dula sa basketball , volleyball (men and women), chess, dart, table tennis, bowling, badminton, ug cheering squad. Kini nga mga dula sulod lang sa kagamhanan lokal sa dakbayan sa Iligan.
p style=”text-align: justify;”>Matod pa ni Ian Uy, officer-in-charge sa CSO, nakapahigayon na sila niadtong Pebrero 22, 2014 ug inter public school basketball tournament alang sa mga batan-on nagpanuigon ug 15 under ug 12 under.. Ipadayon kini karong Marso 1-2 sa Brgy. Santiago Gym. Kahinumduman nga sa Batang Pinoy National Championship nga gipahigayon sa Bacolod City, nauli sa Iligan Team ang 20 ka medalya. Ning tunol ug pahalipay si Mayor Celso G. Regencia sa mga magdudula sa Batang Pinoy tungod sa ilang nakab-ut nga dungog niadtong Pebrero 01, 2014. (Daryl Gay P. Ocab)