(Lunes, Ika-4 sa Agosto 2014)
ILIGAN CITY, PHILIPPINES – Nangulo sa flag ceremony ang City Planning and Development Office karon, Agosto 4, 2014 nga gipahigayon sa Anahaw Ampitheatre ning dakbayan. Sa pangulo ni Arch. Gil R. Balondo, gisaysay niya ang nagkalain-laing mga plano ning tuiga ug sa sumusunod. Una na niini mao ang strategic planning ilawom niini ang Comprehensive Land Use Plan gi-aprobahan ug gikompleto sa City Development Council o CDC ug ang CLUP usab nag representa sa Development Framework Plan sa dakbayan.
Usa na usab ang Comprehensive Development Plan nga gi-recquire sa Department of Interior and Local Government (DILG); ang Forest Land Use Plan nga gipanag-ubanan sa Department of Environment and Natural Resources (DENR); City Tourism Framework Plan nga gisalmotan sa Business Sector ug Academe, City Government Official & Employees ug ang mga Barangay Officials diin naa ilahang Tourist Spots; ug Comprehensive Juvenile Plan.
Nakadawat usab ang dakbayan ug Flood Inundation Map of Mandulog and Iligan Rivers nga adunay return period nga 5 ka tuig, 25 ug 100 ka tuig. Sa laing bahin, usa na usab niini ang Project Development & Coordination ilawom niini ang Philippine Rural Devolopment Program diin prayoridad niini ang Agri Business Development, ang pagporma sa City Commodity Investment Plan (CCIP) diin ibase sa CCIP ang funding ilawom sa programa, ang Farm-to-Market roads nga proyekto ni Mayor Celso Regencia diin sa tuig 2014 naay 14 kabuok nga proyekto ug usa na ang Road Improvement ug mga bag-ong tulay sa mga lagyong barangay sama sa Brgy. Kabacsan, Hindang, Bunawan ug Lanipao.
Bahin sa TS Sendong Recovery and Rehabilitation Program/ Project, gipanguluhan usab sa CPDO sa DRRM Recovery and Rehabilitation ang proyekto og programa. Niini, naay 14 ka gipadayon nga relocation sites ug 3 niini ang Upper Hinaplanon nga naay 1, 261 projected housing units, Iligan Bay Vista Village 1400 units og Bayanihan sa Iligan Village 1, 212 ka housing units.
Sa laing bahin, para sa Sendong Survivors naa pay 2, 236 nga kinahanglan ug relocation. Para sa Project Development and Coordination, ilawom niini ang Pubic Cemetery Development Program, Rehabilitation of Slaughterhouse, Strategic Rural Bridge Program, Tinago Resort Development for Investment, Sanitary Landfill, Mandulog River Basin MasterPlan, Govt. Center Master Plan.
Gi-turn over usab sa Philippine Health Insurance Corporation ang ₱8, 110, 500 Million trust fund para sa mga indigent members og out-patient members sa City Government of Iligan. Diin sumala ni Chief PhilHealth Christina Mae M. Garcia-Mariano, ang maong cheque para sa 2013 budget allocation sa procuring medicines para sa 15,872 ka out-patient members sa PhilHealth. Gi- saysay usab ni Mr. Joel L. Ali, RN, PhilHealth Program Head, ang ilang programa sa Alaga Ka sa PhilHealth. Una ang Enrolment, Distribution and Updates sa tanan membryo nga naay 11, 583; Health Profiling diin naa nay 38 ka barangay nga gi-alagaran pinaagi sa LGU Sponsorship, 34 barangay sa LHIO ug 26 sa 4 Ps nga proyekto sa National Government; Extension Facilities sa Brgy. Digkilaan ug Brgy. Maria Crisitina; Emergency Care nga gipanguluhan sa PhilHealth ug City Hospital diin walay mabayran ang indigent sa ospital kung ma membyro sila sa programa sa PhilHealth.
Gipasalamatan ni Mayor Celso G. Regencia ang PhilHealth sa pag-turn over sa cheque nga para sa mga indigents ug dakong pagsalig. Gi-announce usab ni Mayor ang bahin sa seminar sa Disaster Risk Reduction and Management (DRRM) para sa mga empleyado sa City Hall diin para ma-aware og ma-orient ang mga empleyado sa mga katalagman nga moabot. Gi-saysay usab ni Mayor ang kabahin sa Supplemental Budget diin wala pa na aprobahan sa Department of Budget and Management (DBM) tungod kay naa pay kulang nga resolution nga gikan sa Sangguniang Panglungsod ug kini gi-process na sa Secretary sa Sanggunian Panglungsod para ma-sumiter na sa Regional Office sa DBM.
Gitambungan sa nagkalain-laing mga department heads og mga empleyado; ug nilang Councilor Atty. Marlene L. Young, Councilor Samuel P. Huertas ug Councilor Cesarve C. Siacor. (CIO/ Yoshanne Alarde)
KAGAMHANAN SA ILIGAN NAKAANDAM NA OG PLANO KONTRA KALAMIDAD
Pasado na ang Disaster Risk Reduction Management Plan sa dakbayan saIligan alang sa tuig 2014 ngadto sa 2020.
Kini atol sa 2nd Quarter Meeting sa Iligan City Disaster Risk Reduction Management (ICDRRM) Council niini lamang nakalabay’ng Hulyo 31 nga gidumala ni Mayor Celso Regencia.
Giasoy ni City Councilor Frederick Siao, chairman sa Committee on DRRM sa konseho, nga resulta ang maong plano sa mga serye sa planning-workshops sugod niadto pang tuig 2012 uban ang pagsuporta sa United Nations Development Program kon UNDP.
Unod sa plano ang upat ka mga aspeto sama sa prevention and prevention, preparedness, response ug recovery and rehabilitation.
Nakalatid usab niini ang mga priority projects sa ICDRRMC ingon man ang monitoring and evaluation ug uban pa.
Human niini, gi-aprobahan usab sa ICDRRMC ang breakdown sa 5% DRRM o calamity fund ning tuig 2014 nga mokabat sa kapin P55 milyones.
POPULASYON SA PILIPINAS, NIPATAK NA SA 100M
Nipatak na sa 100 ka milyon ang populasyon sa Pilipinas niadtong alas 8:06 sa buntag sa petsa 27 sa Hulyo ning tuig 2014.
Kini ang giasoy ni Director LydioEspaňol, Jr. sa Population Commission-Regional Office 10 atol sa iyang pagbisita dinhi sa dakbayan sa Iligan niini lamang bag-o.
Matud sa opisyal, gibasehan niini ang projection sa Philippine Statistics Authority (kanhi National Statistics Office kon NSO).
Gipahayag ni Espaňol nga makaapekto ang populasyon sa kalidad sa paghatod sa mga batakang serbisyo sa gobyerno ngadto sa publiko.
Atubangan sa 120 ka mga magti-ayon nga nitambong sa gipahigayong Couples’ Party, nitambag si Espaňol sa kamahinungdanon sa pagplano sa pamilya.
ANNOUNCEMENT
Gipahibalo ang tanang job order workers nga nagkinahanglang ug 16 ngadto sa 24 oras nga bansay o training nga mag-enrol sa Training Division sa CHRMO sa Agosto 5, 2014 o sa dili pa mo-abut ning petsaha.
Kadto lamang nga nagpa-enrol sa ilang kaugalingon sa training o bansay ang dawaton sa training sa Basic Customer Service Skills (BCSS).
Ang nagpahibalo: Glen Longakit
Training Division Head