Best of Abdul Hayee , better known as Sahir Ludhianvi‘s poems.
Teri duniya mei jeene se to behtar hai ke mar jaayen,
Wohi aansuu wohi aahen wohi gham hai jidhar jaayen,
Koi to aisa ghar hota jahan se pyaar mil jaata,
Wohi begaane chehre hain jahaan jaayen jidhar jaayen,
Arey o aasmaan waale bataa is mei buraa kya hai,
Khushi ke chaar jhonke gr idhar se bhi guzar jaayen.
**
Yeh zulf agar khul ke bikhar jaye to acha,
Iss raat ki taqdeer sanwar jaye to acha,
Jis tarah se thori si tere saath katti hai,
Baaqi bhi issi tarah guzar jaaye to acha,
Duniya ki nigaahon mein bhalaa kya hai bura kya,
Yeh bojh agar dil se utar jaaye to acha,
Waise to tum hi ne mujhe barbaad kiyaa hai,
Ilzaam kisi aur ke sar aa jaaye to acha..
**
Tera khayal dil se mitaya nahi abhi
bedard main ne tujh ko bhulaya nahi abhi
kal tune muskura ke jalaya tha khud jise
sine aa wo charag bujhaya nahi abhi
gardan ko aj bhi tere bahon ke yaad hai
chaukhat se teri sar ko uthaya nahi abhi
behosh hoke jald tujhe hosh aa gaya
main badanasib hosh mein aaya nahi abhi
**
Tumhari mast nazar agar idhar nahi hoti
nashe mein choor fiza is kadar nahi hoti
tumhin ko dekhane ke dil mein aarazuen hain
tamhare aage hi aur unchi nazar nahi hoti
khafa na hona agar bad ke tham lun daman
ye dil fareb khata jan kar nahi hoti
tumhare aane talak hum ko hosh rehta hai
phir usake bad hamen kuch khabar nahi hoti
**
chand kaliyan nashat ke chunakar
muddaton mahv-e-yas rehta hun
tera milana khushi ke baat sahi
tujhase mil kar udas rehta hun
***
Taj tere liye ik mazahar-e-ulfat hi sahi
tum ko is vadi-e-rangin se aqidat hi sahi
mere mahbub kaheen aur mila kar mujh se!
bazm-e-shahi mein garibon ka guzar kya mani
sabt jis reh pe hon satavat-e-shahi ke nishan
us pe ulfat bhari ruhon ka safar kya mani
meri mahbub pas-e-parda-e-tashir-e-vafa
tu ne satavat ke nishanon ko to dekha hota
murda shahon ke maqabir se bahalevali
apne tarik makanon ko to dekha hota
anaginat logon ne duniya mein muhabbat ke hai
kon kehta hai ki sadiq na the jazbe un ke
lekin un ke liye tashir ka saman nahi
q ke wo log bhi apni hi tarah mufalis the
ye imarat-o-maqabir ye fasilen, ye hisar
mutal-qulhukm shahanashahon ke azamat ke sutun
daman-e-dahar pe us rang ke gulakari hai
jis mein shamil hai tere aur mere ajadad ka khoon
meri mahabub! unhen bhi to muhabbat hogi
jinaki sannai ne bakhshi hai ise shakl-e-jamil
un ke pyaron ke maqabir rahe benam-o-namud
aj tak un pe jalai na kisi ne qandil
ye chamanazar ye jamuna ka kinara ye mahal
ye munaqqash dar-o-divar, ye maharab ye taq
ik shahanashah ne daulat ka sahara le kar
hum garibon ke muhabbat ka udaya hai mazak
mere mahbub kaheen aur mila kar mujhse!
**
Chalo ik bar phir se ajanabi ban jayen hum donon
na main tum se koi umeed rakhun dil navazi ke
na tum meri taraf dekho galat andaz nazron se
na mere dil ke dhadakan ladakhadaye meri baton mein
na zahir ho tumhari kashmakash ka raz nazron se
ta’arruf rog ho jaye to us ko bhulana behatar
ta’alluq bojh ban jaye to us ko todana acha
wo afsana jise takamil tak lana na ho mumakin
use ek khubasurat mod dekar chodana acha
chalo ik bar phir se ajanabi ban jayen hum donon
**
mere sarakash tarane sun ke duniya ye samajhati hai
ki shayad mere dil ko ishq ke nagmon se nafarat hai
mujhe hangama-e-jang-o-jadal mein kaif milta hai
meri fitarat ko khunrezi ke afasanon se ragbat hai
meri duniya mein kuch vaq’at nahi hai raqs-o-nagmen ke
mera mahbub nagma shor-e-ahang-e-bagavat hai
magar ae kash! dekhen wo meri purasoz raton ko
main jab taron pe nazaren gadakar aasun bahata hun
tasavvur banake bhuli varadaten yaad aati hain
**
main zinda hun ye mushtahar kijiye
mere qatilon ko khabar kijiye
zamin sakht hai aasaman dur
basar ho sake to basar kijiye
sitam ke bahut se hain radd-e-amal
zaruri nahi chashm-e-tar kijiye
wohi zulm bar-e-digar hai to phir
wohi zulm bar-e-digar kijiye
qafas todana bad ke baat hai
abhi khvahish-e-bal-o-par kijiye
**
Tujhko mujhko jeevan amrit
ab in haatho se peena hai
Inkee dhadkan me basana hai
inakee saanso me jeena hai
Tu apni adaayein baksh inhein
main apni wafayein deta hoon
Jo apne liye sochi thi kabhee,
woh saree duayei deta hoon.
**
Hum apni wafa pe na ilzaam lenge
Tumhe dil diya hai tumhe jaan bhi denge
Jab ishq ka sauda kiya,
Phir kya ghabraana
Humko aana padega.
**
mana ke abhi tere mere aramanon ke qimat kuch bhi nahi
matti ka bhi hai kuch mol magar insanon ke qimat kuch bhi nahi
insanon ke izzat jab jhuthe sikkon mein na toli jayegi
wo subah kabhi to aayegi
**
mohabbat tark ke main ne gareban si liya main ne
zamane ab to khush ho zeher ye bhi pi liya main ne
abhi zinda hun lekin sochata rehta hun khalvat mein
ki ab tak kis tamanna ke sahare jee liya main ne
unhen apna nahi sakata magar itna bhi kya kam hai
ki kuch muddat hasin khwabon mein kho kar jee liya main ne
bas ab to daman-e-dil chod do bekar ummido
bahut dukh sah liye main ne bahut din jee liya main ne
**
Lab pe pabandi nahi ehasas pe pahara to hai
phir bhi ahal-e-dil ko ahaval-e-bashar kahana to hai
apni gairat bech dalen apna masalaq chod den
rahnumaon mein bhi kuch logon ko ye mansha to hai
hai jinhen sab se zyada dava-e-hubb-e-vatan
aj un ke vajah se hubb-e-vatan rusava to hai
bujh rahe hain ek ek kar ke aqidon ke diye
is andhere ka bhi lekin samana karana to hai
jhooth kyun bolen farog-e-maslahat ke naam par
zindagi pyari sahi lekin hamen marana to hai
**
Ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
is raat ke nikhari rangat ko
kuch aur nikhar jane de zara
nazron ko bahak jane de zara
zulfon ko bikhar jane de zara
kuch der ke hi taskin sahi
kuch der ka hi aaram sahi
jazbat ke kaliyan chunana hai
aur pyar ka tohfa dena hai
logon ke nigahen kuch bhi kahen
logon se hamen kya lena hai
ye khas ta’alluq aapas ka
duniya ke nazar mein aam sahi
rusavai ke dar se ghabara kar
hum tark-e-vafa kab karte hain
jis dil ko basa lain pehlu mein
us dil ko juda kab karte hain
jo hashr hua hai lakhon ka
apna bhi wohi anjam sahi
ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
**
Chand maddham hai aasman chup hai
neend ke god mein jahan chup hai
dur vadi mein dudhiya badal
jhuk ke parbatko pyar karte hain
dil mein nakam hasaraten lekar
hum tera intazar karte hain
in baharon ke saye mein aa ja
phir mohabbat jawan rahe na rahe
zindagi tere na-muradon par
kal talak meharaban rahe na rahe
roz ke tarah aj bhi tare
subah ke gard mein na kho jayen
aa tere gham mein jagti aankhen
kam se kam ek raat so jayen
chand maddham hai aasman chup hai
neend ke god mein jahan chup hai
**
Dekha hai zindagi ko kuch itna qarib se
chehare tamam lagane lage hain ajeeb se
is rengati hayat ka kab tak uthayen bar
bimar ab ulajhane lage hain tabib se
har gham par hai majama-e-ushshaq muntazir
maqtal ki rah milati hai ku-e-habib se
is tarah zindagi ne diya hai hamara sath
jaise koi nibah raha ho raqib se
ae ruh-e-asar jag kahan so rahi hai tu
aavaz de rahe hain payambar salib se
**
Tu hindu banega na musalmaan banega
insaan ki aulaad hai insaan banega
qudrat ne to banaai thi ek hi duniyaa
hamne use hindu aur musalmaan banaayaa
tuu sabke liye aman ka paiGhaam banega
insaan ki aulaad hai, insaan banega
ye deen ye eemaan dharam bechane vaale
dhan-daulat ke bhookhe vatan bechane vaale
tu inake liye maut ka ailaan banega
insaan ki aulaad hai insaan banega
**
Mujh Se Ab Meri Muhabbat Ke Fasane Na Kaho,
Mujh Ko Kehne Do Ke Maine Unhen Chaha Hi Nahin.
Aur Wo Mast Nigahen Jo Mujhe Bhool Gayin,
Maine Un Mast Nigahon Ko Saraha Hi Nahin.
**